ഞാന് ഹൃദയമില്ലാത്തവനെന്നാരോ
ഇരുട്ടിന്റെ മറവില് പറയുന്നതു കേട്ടു
എന്റെ ഹൃദയം ശൂന്യമാണെന്ന് അവര് കരുതുന്നുവോ.....
ശുദ്ധ നുണയന്മാര് ....!ഹൃദയമില്ലാത്ത പിശാചുക്കള് .....
വേനല്മഴ പെയ്തിറങ്ങി
മണ്ണിന്റെ വരള്ച്ച മാറ്റുന്നത്
ആര്ക്കു വേണ്ടിയായിരുന്നു.....
പെണ്ണിന്റെ മനസ്സിനെ ഒരിക്കലും ആ വേനല്മഴയ്ക്
നനയ്ക്കുവാന് പറ്റില്ലെന്നറിഞ്ഞതാരാണ്..........
“പിരിഞ്ഞാലും പറിച്ചുമാറ്റാന് പറ്റാത്ത
വേദനയുടെ വാക്കാണു പ്രണയം“
അതാരാണു പറഞ്ഞതെന്നോര്മ്മയില്ലിന്നെനിക്ക്
അതു പറഞ്ഞവനിന്നു മരിച്ചുവോ.....
മരണം അവനെ രക്ഷിച്ചുവോ.....
കണ്ണില് മറഞ്ഞിരുന്ന മാസ്മരികത
ഇന്നു കനവായി മാറിയതു ദൈവഹിതമാകാം
മനസ്സില് നിറഞ്ഞിരുന്ന വിതുമ്പലുകള്
ഇന്നു വെമ്പുന്നതു സ്നേഹത്തിനു വേണ്ടിയാകും.....
പക്ഷേ.... സ്നേഹമിന്നെനിക്കൊരു മരീചികയല്ലിയോ.....
ഒരിക്കലും നിറയാത്ത കണ്ണുകളില്
നനവു പടര്ന്നതു നിനക്കു വേണ്ടിയല്ലേ.....
എന്റെ കണ്ണുകള് പറിച്ചു മാറ്റിയതുംഹൃദയം ചീന്തിയെറിഞ്ഞതും
നിനക്കല്ലാതെ മറ്റാര്ക്കു വേണ്ടിയായിരുന്നു.....
എന്റെ കണ്ണുകള് കാണുന്നതു നിന്നെയാണ്
എന്റെ കാതുകള് കേള്ക്കുന്നതും നിന്നെയാണ്
എന്നില് നിറയുന്നതു നിന്റെ സുഗന്ധമാണ്
ഞാന് അറിയുന്നത് നിന്റെ സാമീപ്യമാണ്
ഞാന് അനുഭവിക്കുന്നത് നിന്റെ സ്പര്ശനമാണ്.....
എനിക്കു നീ ആരൊക്കെയോ ആണ്........
ഇന്നു നിരാശയായ് നീ പിരിഞ്ഞു മായുന്നു
മണ്ണിലെ ഹരിതവര്ണ്ണങ്ങള് മായുമ്പോള്
വിണ്ണിലെ ചന്ദ്രികയുടെ താരകസേന നശിക്കുമ്പോള്
ചിലപ്പോള് ഞാന് നിന്നെയും മറന്നിരിക്കാം.....
ഇടകലരുന്നതു മനസ്സുകളുടെ സുകൃതം
വിടപറയുന്നതു കാലത്തിന്റെ കുസൃതി
എങ്കിലും ഇപ്പോഴും കാലചക്രം നീങ്ങുന്നു
ഒരിക്കലും അവസാനിക്കാത്ത നീണ്ട ചക്രവാളത്തില്
ഒരു നിഴലായി മാറുവാന് അര്ക്കന് വിതുമ്പുന്നു
കാലിടറിയ വീഥികളില് എനിക്കിനി മരണം
വരണ്ടുണങ്ങിയ മനസ്സുകളിലും ഞാന് മരിച്ചു
ചോരയില്ലാത്തെന്റെയീ ശരീരം വിറങ്ങലിച്ചു
പാടാനറിയാത്ത ഞാനിനി മരണത്തിന്റെ കൂട്ടുകാരന്
കാലമേ, നിനക്കു വിട..... ഓര്മ്മകളെ, എന്നെ മറക്കുക.....
(പഴയൊരു സൃഷ്ടി)
ചിതലരിയ്ക്കാത്ത ഓര്മ്മകളുടെ മച്ചിന്പുറത്തേയ്ക്കൊരു പടിവാതില് .... എന്നൊക്കെയോ; എവിടെയൊക്കെയോ കുറിച്ചിട്ട എന്റെ കുറിപ്പുകള് ഇവിടെ ഒരുമിച്ചു കൂട്ടാന് ഒരു മോഹം...! മനസ്സില് തോന്നിയതും, കുത്തിക്കുറിച്ചതുമെല്ലാം ഒന്നു കൂടി പൊടി തട്ടിയെടുത്ത് ഒരു പുനരാവിഷ്കാരം.....
Monday, July 11, 2011
Wednesday, July 6, 2011
ഈ ദുരന്തം ഒഴിവാകുമോ..??
An unavoidable calamity.... but... അതെ.. അതൊഴിവാകുമോ...? സ്വപ്നത്തില് മിന്നി മറഞ്ഞ കാഴ്ചയല്ലിത്.... ഇന്നു മുതല് ഏഴു ദിവസം.... ശ്രീ പദ്മനാഭ സ്വാമി ക്ഷേത്രത്തില് ഇനി വരുന്ന ഏഴ് നാളുകള് അതീവ ജാഗ്രത വേണ്ട ദിവസങ്ങള് .... വിലയെക്കാള് അതീതമായി ഒരു രാജവംശത്തിന്റെ അര്പ്പണത്തിന്റെയും, ഒരു നാടിന്റെ പൈതൃകത്തിന്റെയും കാവല് വരുന്ന ഏഴ് നാളുകളില് നാം ഓരോരുത്തരിലും ഉണ്ടാവണം.... വരാന് പോകുന്ന ദുരന്തം ഒഴിഞ്ഞു മാറട്ടെ... മാറും.. അങ്ങനെ ആഗ്രഹിയ്ക്കാം നമുക്ക്....!
Subscribe to:
Posts (Atom)